Американската војска уништи четири дронови со долг дострел, лансирани од јеменските бунтовници Хути. Според Централната команда на САД позната како „ЦЕНТКОМ“, дроновите целеле кон американски воен брод во Црвеното Море.

Хутите одамна се закануваат со вакви напади во знак на поддршка за палестинската милитантна група Хамас во војната против Израел. САД и Велика Британија, кои предводат коалиција од неколку земји, возвратија со удари врз нивни цели во Јемен.