Во опозициската партија, која вчера победи на изборите, не стравуваат дека во вториот круг ќе биде мала излезноста. Напротив, веруваат дека ќе биде поголема од сега, затоа што парламентарните избори ќе бидат поголема мотивација за гласање. Победата ја нарекоа политичко цунами, што ќе финализира со испраќање на СДСМ и ДУИ во опозиција, со кои велат дека немаат никаква потреба да преговараат.

Без разлика на тоа, дали ќе победат или не, ДУИ за нив не се опција ни за формирање на влада.

Очекуваат Силјановска да добие и дел од гласовите на тие што овојпат гласаа за останатите кандидати.

Разликата меѓу најдобро пласираните кандидати во првиот круг е над 180.000 гласа.

Далиборка Демјанска Цветановска