Заматена е водата за пиење во Кавадарци и Неготино поради обилните дождови во околината на изворите, соопштија од јавните комунални претпријатија.

Издадено е предупредување до граѓаните пред консумација истата да ја превриваат.

ЈП „Комуналец“ Кавадарци ја следи состојбата и најави дополнителни известувања кога водата повторно ќе се нормализира.

Слично соопштение испрати и „Комуналец“ Неготино, советувајќи ги жителите да преземат мерки за безбедна употреба на водата додека трае заматувањето.