Новите санкции кон Русија и ситуацијата на фронтот беа во фокусот на најновото обраќање на украинскиот претседател Володимир Зеленски до јавностa. Мерките кон Москва, како што рече, се однесуваат на физички лица, на компании во воената индустрија и на пропаганда.

Порача дека Европа веќе работи на 20-от пакет санкции, а Украина, како што кажа, продолжува со уништување на руските сили во и околу Покровск, иако нагласи дека Кремљ концентрира 170.000 војници во регионот на Доњецк, за офанзива врз градот кој важи за стратешки за украинските сили на источниот фронт.