Ноќеска, во 3 часот и 20 минути по полноќ, е регистриран земјотрес со епицентар во Грција, на околу 290 километри југоисточно од Скопје. Според Сеизмолошката опсерваторија, земјотресот имал Рихтерова локална магнитуда од 5 степени.Тлото се затресе со интензитет од III степени според Европската макросеизмичка скала, а потресот бил почувствуван во југоисточните делови на земјава. Засега нема информации за причинета материјална штета или повредени лица. Сеизмолозите продолжуваат да ја следат состојбата и ги повикуваат граѓаните на смиреност и внимателност во случај на појава на нови потреси.