Аљаска ќе биде во фокусот на светската јавност оваа недела, кога американскиот претседател Доналд Трамп и рускиот лидер Владимир Путин ќе се сретнат на самит чија цел е да се пронајде решение за војната во Украина.

Засега, точната локација на средбата не е објавена, но жителите на најголемата американска сојузна држава се надеваат дека самитот ќе донесе напредок.

Украинскиот претседател Зеленски треба да биде вклучен во разговорите, ако сме вмешани во конфликт од другата страна на светот, треба и нивниот лидер да има збор, вели Џордан Канфилд, 24-годишен војник стациониран во Аљаска, кој се надева на позитивен исход од средбата.

Кетрин Френсис, припадничка на народот Јупик од село на островот Нелсон, вели дека локацијата е логична: „Русија ни е сосед.“ Таа живее во Енкориџ уште од 1989 година и нагласува дека Аљаска има стратешко значење како мост меѓу Истокот и Западот, со еден од најпрометните аеродроми за карго сообраќај меѓу САД и Азија.