Според најновите податоци на Народната банка, физичките лица во Македонија должат 265,46 милијарди денари или околу 4,32 милијарди евра на домашните банки.

Потрошувачките кредити имаат најголем удел во задолжувањето, со вкупен износ од 133,21 милијарди денари (2,17 милијарди евра).

Станбените кредити изнесуваат 93,7 милијарди денари (1,52 милијарди евра).

Долговите на кредитните картички достигнуваат 18,9 милијарди денари, а задолженоста на трансакциските сметки изнесува 14,54 милијарди денари.

За реновирање на деловен простор, граѓаните должат 1,07 милијарди денари.

Автомобилските кредити изнесуваат 424 милиони денари.

Долговите по други основи достигнуваат 3,62 милијарди денари.