Најголемата хакерска група Анонимус и објави војна на руската влада, во екот на рускиот напад врз Украина кој трае веќе втор ден.

„Анонимусите официјално се во сајбер војна против руската влада“, напишаа тие на Твитер.

The Anonymous collective is officially in cyber war against the Russian government. #Anonymous #Ukraine

— Anonymous (@YourAnonOne) February 24, 2022

Хакерските активисти собрани во колективот Анонимуси немаат раководство ниту се знае кои се членовите. Нивното мото е „Ние сме мноштвото“, што значи дека се голем број поединци. Бидејќи нема раководна структура, секој може да тврди дека е нивен член. Тоа исто така значи дека нивните членови може да имаат различни цели бидејќи немаат агенда.

Синоќа издадоа и предупредување дека руската армија се подготвува да го ракетира Киев, што се случи неколку часа подоцна.

The Russian armed forces are preparing a large-scale bombing operation in the capital of #Ukraine.

— Anonymous (@YourAnonOne) February 24, 2022

Во Киев одекнуваат експлозии од 4:30 часот по локално време. Советник на украинската влада вели дека руски авион бил соборен и дека биле спречени неколку ракетни напади. Во запалените згради има повредени. Украинскиот претседател ги потврди извештаите за руски ракетни напади во Киев.

The #Anonymous collective has taken down the website of the #Russian propaganda station RT News.

— Anonymous (@YourAnonOne) February 24, 2022

Вчера Анонимуси ја хакираа и ја соборија страницата на државната телевизија на Путин „Раша тудеј“ (Русија денес). Страниците на РТ беа привремено недостапни.