Израел се обидува да се бори против една од најтешките епидемии на птичји грип во последните години.

Откако вчера министерката за заштита на животната средина Тамар Зандберг објави дека угинале илјадници кокошки, денеска беа убиени десетици илјади мисирки.

Премиерот Нафтали Бенет се состана со неговиот советник за национална безбедност и други експерти за да разговараат за мерките што може да се преземат за да се спречи епидемијата.

Иако пренесувањето на вирусот од птици на луѓе е редок настан, според Светската здравствена организација од 2003 година досега се пријавени 456 смртни случаи на заразени луѓе во светот.