Министерството за внатрешни работи на Казахстан извести дека во антивладините демонстрации животот го загубиле 26 демонстранти.

Во соопштението на министерството се наведува дека операцијата иницирана од безбедносните сили во рамки на вонредната состојба прогласена во Казахстан продолжува.

Од Министерството информираат дека дека ситуацијата е под контрола, се исчистени административните и општинските згради во сите градови и се создадени 70 пунктови низ државата.

„Безбедносните сили обезбедија социјален ред во градот Алмати, заштитени стратешки места. Операцијата за чистење продолжува на улиците“, пишува во соопштението на казахстанското министерство за внатрешни работи.

Во соопштението е забележано дека нивото на опасност од тероризам е подигнато на „критично црвено“, а се наведува дека 26 од демонстрантите загинале, додека пак 18 се повредени.

Изминативе денови во инцидентите во Казахстан биле приведени над 3.000 лица.