Свесен сум за негативните реакции за моето интервју, но и двата народа мора да се соочат со историјата, вели премиерот Зоран Заев на ден по интервјуто за бугарската телевизија БГНЕС, кое предизвика жестоки реакции во јавноста. Денеска премиерот вели дека во име на иднината треба да се однесуваме европски. Историските конфликти да се остават во минатото, рече премиерот, кој истакна дека нашата државност сепак почива на антифашистичката борба, а АСНОМ е потврда на нашиот македонски јазик. Огнен Чанчаревиќ ги следеше одговорите на премиерот.