Украинското Министерство за внатрешни работи соопшти дека пет лица загинале во бомбардирањето на телевизиски предавател во Киев. Дел новински агенции пренесуваат дека покрај петмината загинати во нападот биле повредени уште пет лица.
На Твитер се појавија неколку снимки направени по бомбардирањето на ТВ кулата. Некои од нив, кои ги објавија и украинските власти, покажуваат мртви цивили на улиците.
Во близина на предавателот се наоѓа и меморијалниот центар Бабин Јар во чест на жртвите од холокаустот за време на Втората светска војна.
Russian troops fired on the TV tower, near the Memorial complex #BabynYar.
Russian criminals do not stop at anything in their barbarism. Russia = barbarian. pic.twitter.com/MMJ6wSfpsS
— MFA of Ukraine 🇺🇦 (@MFA_Ukraine) March 1, 2022
Кој е смислата 80 години да повторуваме „никогаш повеќе“ ако светот остане нем кога бомби паѓаат на истото место во Бабин Јар? Најмалку пет загинати. Историјата се повторува, напиша Зеленски на твитер.
To the world: what is the point of saying «never again» for 80 years, if the world stays silent when a bomb drops on the same site of Babyn Yar? At least 5 killed. History repeating…
— Володимир Зеленський (@ZelenskyyUa) March 1, 2022
Бабин Јар е мала клисура во Киев каде на 29 и 30 септември 1941 нацистичките одреди на смртта застрелале 33.771 Евреин, по наредба на воениот гувернер на Киев Генералмајорот Курт Еберхарт.
Бабин Јар е третиот најголем масакр на нацистичкиот режим и неговите сојузници за време на воената кампања против Советскиот Сојуз по масакрот во Одеса во октомври 1941 година кога биле убиени над 50.000 Евреи, и операцијата Фестивал на жетвата во ноември 1943 година за време на окупацијата на Полска, кога биле убиени помеѓу 42.000 и 43.000 Евреи.
