Утре, учениците во основните училишта треба да им мавтаат со рацете во знак на добредојде и на здравствените работници кои ќе ги посетат за да ги тестираат од ковид 19.

Скринингот ќе се одвива во училиштата а не на вакциналните пунктови и ќе опфати околу две илјади деца чии родители дале согласност.

Во „Ѓорѓија Пулевски“, кадешто од илјада ученици има само 8 позитивни, не очекуваат ниту проблеми ниту отпор.

Скринингот се прави поради зголемениот број заболени меѓу основците, додека кај средношколците состојбата е стабилна.

Аналитичката и статистичката обработка ќе даде податоци за трансмисијата на вирусот и за асимптоматско присуство.

Комисијата за заразни болести на 40-тина страници објави препораки за лекување на корона. Наменети се за лекарите во сите здравствени институции.

Препораки за лекување на Ковид-19

Нецелосното применување на препораките, според Петличковски, воопшто не е причина за големата смртност.

Комисијата за заразни болести не исклучува дека препорачаните мерки би можеле  да станат задолжителни.

Соња Никoловска