Од денеска во Скопје, а за десетина дена и низ цела Македонија ќе биде ставена во употреба новата телефонска линија за итни повици- 112.

Стациониран во Центарот за управување со кризи, преку овој телефон граѓаните ќе можат да стапат во контакт со службите за итна медицинска помош, полицијата или противпожарната бригада од целата држава.

Овој број е дополнување на веќе воведените за повикување при итни, животозагрозувачки случаи.

Проектот е вреден 2,3 милиони евра, а подготовките траеја повеќе од 15 години.