Руското министерство за одбрана соопшти дека армијата целосно ја презела контролата врз аеродромот Хостомел, исто така познат и како Антонов, во близина на украинската престолнина Киев.

Според министерството во операцијата биле елиминирани 200 припадници на украинските специјални сили, без ниту една жртва на руската страна.

„Успехот на десантните сили беше овозможен по комплетно неутрализирање на сите противвоздушни системи ви близина на местото на слетување, комплетно изолирање на областа преку воздушни акции и активно радио-електронско војување, соопшти руското министерство за одбрана.

Украинската армија сè уште го нема потврдено губењето на аеродромот Антонов.