Корисниците на природен гас во струмичко полека се откажуваат од користење на овој енергенс откако цената се зголеми за 90 проценти, односно од околу 46 на 80 денари за метар кубен.

Од јавното претпријатие Струмица гас потврдуваат дека драстично им се намалила потрошувачката од почетокот на јануари.

Милановиќ вели дека немаат точна бројка колкав дел од околу 400 корисници домаќинства и компании во струмичко се откажале и преминале на друг енергенс, но дополнително ќе се утврдува.

Струмичани велат дека зголемувањето на цените на електричната енергија и природниот гас е удар за стандардот на граѓаните.

Општината во буџетот за 2022 година предвиде 10 денари субвенции за цената на природниот гас, со цел поголем број граѓани да се приклучат на гасоводната мрежа во насока на  намалување на потрошувачката на другите нееколошки енергенси за затоплување, но со поскапувањето на гасот, оваа мерка ја губи својата суштина.

Сузана Мицева