Новак Ѓоковиќ го поминува вториот ден во Хотелот за мигранти во Мелбурн, каде што ја очекува конечната одлука по неговата жалба, откако му беше одбиена визата за влез во државата…На најдобриот тенисер на светот не му е дозволено официјално да влезе во Австралија заради неисполнување на критериумите за медицинско изземање од задолжителната вакцинација иако претходно две комисии му дадоа зелено светло за учество на првиот гренд слем во сезоната…

Во меѓувреме, по критиките дека Ѓоковиќ не е единствениот тенисер кој добил дозвола за натпреварување во Австралија, австралиските власти ја привеле и чешката тенисерка Рената Ворачова , која веќе одиграла еден тениски турнир.

Таа е пренесена во истиот хотел како и Ѓоковиќ а ќе биде депортирана, иако пред еден месец прележала зараза со Ковид-19.