Владата ќе набавува вакцини и за децата. На денешната седница на владата донесена е одлука за набавка на 500 илјади дози вакцини Фајзер. Во нив се вклучени и дозите за деца во количина од 1 процент од вкупниот број на деца во државата на возраст од 5 до 12 години, или околу 10 илјади дози. Вакцините за деца ќе се испорачаат во првото тромесечје од идната година, а вкупната количина вакцини треба да стигне до декември 2022, соопшто вечерва Владата.

Инаку, до сега во државата со две дози вакцини против Ковид вакцинирани се 39,4 проценти од населението. А дневната ковид статистика е 14 починати и 353 нови заразени. 10-мина починале во последните 24 часа ,а четворица во периодот од 19 ноември до 11 декември. Активни случаи има на д пет илјади, а од почетокот на пандемијата од Ковид починале 7.754 луѓе.