112 пријавени каснувања од бездомни кучиња само во СВР Тетово за минатата година, 6 за месец јануари.

Повеќе од половина се на тетовското подрачје.

Ана Марија Блажеска од Тетово заврши со повреди на подколеницата нанесени од куче. Покрај стресот кој го доживеала, сега треба да прима и терапија за да не настанат здравствени компликации.

Тетовчани се жалат дека уличните кучиња во овој период се гладни и агресивни, особено во раните утрински часови.

За да изнајдат идејно решение Граѓанската иницијатива „Подобро за Тетово“ истражувала речиси еден месец.

Имале повеќе средби и со надлежните. Велат дека најпрво треба да се основа претпријатие предводено од стручни лица кое ќе направи прифатилиште за кучињата и да се подигне свеста кај населението за хуман третман.

Од Општина Тетово велат дека оваа година издвоиле финансиски средства, но дали е објавен тендер и кога ќе започне третирањето на кучиња скитници детали до овој момент не добивме.

Данијела Билбилоска