Израелскиот министер за одбрана, Исраел Кац порача дека Хезболах ќе биде уништен, доколку либанската организација го нападне Израел во знак на поддршка на Иран.

„Главниот секретар на Хезболах не учи ништо од судбината на своите претходници и се заканува со дејствување против Израел според наредбите на иранскиот диктатор. Предлагам тој либански пион биде внимателен и да сфати дека Израел загуби трпение со терористите кои му се закануваат. Ако дојде до тероризам, Хезболах ќе го нема повеќе“, напиша Кац во објава на платформата Икс.