Ако обезбедат докази дека данокот е платен во странската земја, не може да постои двојно оданочување, рече директорката на Управата за јавни приходи, Елена Петрова во вечерашното интервју во „Топ тема“ на ТВ Телма, во контекст за протестот на кумановци кои работеа за американски компании во Ирак и во Авганистан за ретроактивно оданочување.

„Ние се согласивме и УЈП да се обиде по службена должност да обезбеди верификација на некои од тие докази. Се согласивме и излеговме во пресрет да помогнеме на тие граѓани, нормално доколку е возможно, иако за тоа немаме никаква законска обврска, имајќи во предвид дека може да се затворени фирми. Всушност, доказите може да се обезбедат од странската даночна администрација. Преку размена на информации со странските даночни администрации ќе направиме обид да ги провериме доставените документи“, вели Петрова.

С.Д.