Стотици луѓе ги пречекаа четворицата португалски активисти, меѓу кои и лидерката на партијата Лев блок, Маријана Мортагуа, по нивното враќање од Израел, каде беа приведени откако се обидоа по море да стигнат до Појасот Газа. Активистите беа дел од „Глобал Сумуд флотила“ – флота од 42 брода која се обидуваше да ја пробие израелската поморска блокада и да испорача симболична количина хуманитарна помош во Газа, каде што милиони луѓе се соочуваат со глад. Израелските безбедносни сили ја пресретнаа флотилата, приведувајќи околу 450 активисти од различни земји. Дел од нив сè уште се наоѓаат во израелски притвори, додека други, меѓу кои и групата од Португалија, веќе се вратија дома.