Претседателот на САД, Џо Бајден изјави дека издавањето на налог за апсење на израелскиот премиер Бенјамин Нетанјаху од Меѓународниот кривичен суд (МКС) е „срамота“, пренесе Белата куќа.

„Издавањето на налог за апсење од Меѓународниот кривичен суд е „срамота“ за израелските лидери. Дозволете ми уште еднаш да бидам јасен – што и да имплицира МКС, не постои еквивалентност меѓу Израел и Хамас. Ние секогаш ќе стоиме со Израел против заканите по неговата безбедност“, рече Бајден.

Меѓународниот кривичен суд издаде налог за апсење на израелскиот премиер Бенјамин Нетанјаху, поранешниот министер за одбрана, Јоав Галант и убиениот лидер на Хамас, Мохамед Деиф под обвинение за воени злосторства и злосторства против човештвото во Газа.