Незадоволни од платите и со желби да им се покачат колку на функционерите, вработените во судската и јавнообвинителската администрација, поддержани од Независниот синдикат, денеска трет ден на протест. Бараат покачување на платите од 78 отсто и враќање на додатокот за работа од 35 отсто.

Велат дека неделава постои можност за организирање и на генерален штрајк, доколку нема одговор на нивните барања со што би се блокирала работата на судовите. Синдикалците се пожалија оти во новодонесениот Буџет, кој тежи пет и пол милијарди евра, не биле предвидени средства за нив.

Велат дека доколку се нема слух за нивните барања, ќе престанат со работа со што во прашање ќе се доведе судството во земјата, а тоа како што велат многу поскапо ќе ја чини државата.

Во петокот, синдикатот на УПОЗ одржа протест пред Владата, откако претходно имаа две средби кои завршија без конкретна понуда за решавање на проблемот.