Базенот во спортскиот центар „Борис Трајковски“ од Велигден се уште е во процес на реконструкција и затворен за посетители иако имаше најави дека за неколку месеци санацијата на покривот ќе биде завршена и во пресрет на распустот.

Надлежните сега велат дека веќе разговараат со неколку фирми и разгледуваат опција за санација со временска рамка од две до три седмици согласно условите на објавениот тендер.