Планираниот договор меѓу Вашингтон и Киев за пристап на САД до украинските наоѓалишта на ретки минерали не содржи безбедносни гаранции за Украина, изјави американскиот министер за финансии Скот Бесент.

„Очекувам претседателот Зеленски да потпише. Тој не вклучува безбедносни гаранции. Но, вклучува гаранции за активно вложување на САД во економската иднина на Украина. Јас тоа го нарекувам гаранции за економска безбедност“, рече Бесент за „Фокс њуз“.

Според него, таквиот договор е дел од преговарачката стратегија на американскиот претседател Доналд Трамп за решавање на војната во Украина и „враќање на Украинците во мирен живот“.