Иако Владата донесе нов пакет закони за реформа на јавната администрација, експертите и синдикатите предупредуваат дека без политичка волја нема да се искоренат партиските и роднинските вработувања.

Според дел од познавачите на проблематиката, „закони има и ќе има, но клучно е кој и како ги спроведува“.

Министерот Горан Минчев најави дека новите закони ќе обезбедат професионална и ефикасна служба, а ќе се формира и Академија за стручно усовршување.

Синдикатот УПОЗ изразува сомнеж во ефектите, нагласувајќи дека институциите често се превработени со непрофесионални кадри, додека недостигаат стручни работници.

И покрај реформскиот дух, на терен продолжуваат огласите за вработување, непосредно пред претстојните избори.

Според УПОЗ, реформата мора да вклучи и подобрување на платите и мотивација на вработените.

Новите закони стапуваат на сила оваа година, но ќе се применуваат од 2027.

Меѓувреме, Министерството за јавна администрација подготвува дополнителни законски решенија за високата раководна служба и системот на плати, со цел конечно воспоставување на департизирана и функционална администрација.