По речиси една недела од пожарот на штипската улица Широк Дол се чисти станот кој целиот беше опожарен. Вработените на штипски Исар веќе неколку дена го исфрлаат отпадот, а само денеска имаат исфрлено приколици со изгорена покуќнина, картони и пластика. Станарите велат дека општинска комисија ја утврдила штетата и на соседните станови.

Станарката која наверојатно од небрежност го предизвикала пожарот е сместена на одделот за психијатрија во штипската болница, но останува неизвесно каде ќе биде згрижена по завршување на хоспитализацијата, бидејќи досега до Центарот за социјални работи нема поднесено барање од блиски роднини за нејзино згрижување. Од 2014-та година е корисник на пензија, со што делувањето на Центарот е ограничено.

Викторија Димитрова Јованова