15-годишно девојче од Скопје се обидело да се самоубие, не можејќи да го издржи малтретирањето од таткото. Обвинителството соопшти дека против 56-годишниот татко повеле постапка за Загрозување на сигурноста.

Осомничениот подолго време психички и физички ги малтретирал сопругата и нивните две деца на возраст од 18 и 15 години, но од страв не го пријавувале, сè додека девојчето не можејќи веќе да ги издржи заканите, навредите и притисокот од таткото не се обидело да си го одземе животот.

Постапка за семејно насилство е поведена и против 33-годишен скопјанец. Ја малтретирал сопругата додека се возеле со автомобил, по што таа во возење ја отворила вратата и скокнала од возилото. Тој застанал и сакал со сила да ја внесе во колата.

На двајцата осомничени судот им изрекол повеќе мерки за претпазливост, меѓу кои и забрана за приближување до оштетените.