Антикорупциската Комисија (ДКСК) денеска испрати ургенција до Владата, бидејќи два месеца нема никаков одговор од Илинденска број 2 за утврдување на одговорност на директорот на агенцијата за млади и спорт Наумче Мојсоски.

„Со оглед на тоа што законски утврдениот рок од 60 дена е изминат Државната комисија ја доставува оваа ургенција за постапување со цел Владата во најкус можен рок да одговори на доставената иницијатива за утврдување на одговрност а особено имајќи ги предвид прилините поради кои е поднесена иницијативата за одговорност“, велат од ДКСК.

Антикорупциската комисија побара кривична одоговорност од Мојсоски поради откриени финансиски малверзации при доделувањето на спортски ваучери и поради непостапување по забелешки на државниот ревизор кој утврди низа нерегуларности во системската поставеност на Агенцијата и начинот на кој се исплаќаат ваучерите и даде негативно мислење.

Од Владата не реагираа ниту на забелешките на ревизорите ниту на иницијатавата на Антикоруцопска а во меѓувреме директорот на АМС, Мојсоски, поднесе приватна тужба против членот на Комисијата кој го водеше предметот.