Неколку училишта на територијата на Белград утринава добиле дојава за поставена бомба утринава, јавува српски Танјуг. Родителите не ги однеле децата на училиште, откако им било јавено за новите закани. Припадници на антитерористичките единици на полицијата се на терен.

Медиумите јавуваат дека дојави за бомби пристигнале во основното училиште „Дринка Павловиќ“ во центарот на Белград, ОУ „Васа Пелагиќ“ во Котеж и училиштето „Лаза Костиќ“ во Нов Белград.

Покрај ова училиште, пријави за подметнати бомби добиле и од основното училиште „Браќа Барух“ во Дорчол, „Бранко Ќопиќ“ во Видиковац, „Старина Новак“, „Вук Караџиќ“.

Исто така, во општина Обреновац утрово во 5 часот и 15 минути на електронските адреси на неколку основни училишта во Обреновац биле испратени анонимни пријави за експлозивни направи.