Истражителите во Санта Фе објавија нови детали од истрагата за смртта на Џин Хекман (95) и неговата сопруга Бетси Аракава (65). Според полициски извори, околностите за смртта на двојката се сомнителни.

Телата на Хекман и Аракава ги открил вработен во нивниот дом во средата. Канцеларијата на шерифот на округот Санта Фе соопшти дека нема видливи знаци на насилство и очигледни докази за истекување на плин или за труење со јаглерод моноксид. Сепак, глетката била доволно невообичаена за истражителите да побараат налог за претрес на куќата.

Хекман, според заменик шерифот на Санта Фе, изгледал „како да паднал во ходникот“, а бастунот бил пронајден во негова близина. Бетси Аракава била пронајдена во купатилото на горниот кат, со отворено пишенце со лекови на рецепт и таблети расфрлани по блиската работна површина. Мртвиот германски овчар бил пронајден во ормар во купатилото. Другите две куќиња се пронајдени живи.

„Немаше никакви знаци на борба. Немаше траги дека нешто е украдено, ништо што би упатувало на тоа дека дошло до казнено дело. Телото на Аракава беше мумифицирано на рацете и стапалата“, рече детектив од канцеларијата на шерифот.

На прес-конференцијата, шерифот рече дека „двојката била мртва некое време“, но не можеше да прецизира колку долго. Во меѓувреме, истражителите се обидуваат да утврдат кој и кога последен пат бил во контакт со двојката.

Хекман за време на неговата долга кариера, која започна во раните 60-ти години од минатиот век, се појави во над 80 филмови, како на телевизија и на театарски сцени.