„Не е важно само кој ќе освои мнозинство од 61 пратеник, туку и кој ќе има мнозинство по Бадентер“. Ова е најновиот аргумент со кој ДУИ се обидуваат по секоја цена да влезат во новата влада.

Откако стана јасно дека, доколку ВМРО ДПМНЕ победат на изборите, нема да го почитуваат принципот на „победник со победник„ што еднаш веќе го прекршија од ДУИ, и постојано нагласуваат дека албанската опозиција им е поскакуван партнер, интегративците се повикуваат на правило што не го пишува во ниту еден закон.

Османи беше дрзок со новинарите кои го прашаа, во кој закон го пишува ова, затоа што го нема, ни во Уставот, ни во Закон за влада, ни во Закон за Собрание, туку се вели дека тој што има мнозинство пратеници, составува влада.

Од „Вреди“ не се изненадени од овие изјави на ДУИ. Подготвени се да седнат со победничката партија во македонскиот блок и да ги договорат деталите за влез во новата влада.

Претседателот на СДСМ ја осуди националистичката реторија и апелира да се почека резултатот од изборите.

Од ВМРО ДПМНЕ исклучуваат соработка со ДУИ. Ова денеска го повтори и потпретседателот Александар Николоски, кој во радио емисија рече дека, „со Али Ахмети е исклучена секаква соработка во која било варијанта, во која било форма и на кој било начин“.

Далиборка Демјанска Цветановска