Заменик-помошникот државен секретар на САД и специјален претставник за Западен Балкан, Габриел Ескобар, изјави дека е „позагрижен“ за економски колапс во Босна и Херцеговина отколку за можна војна во Босна и Херцеговина
– Тоа е многу пореална опција, рече Ескобар во петокот во Загреб, пред да замине на годинешниот форум во Дубровник.
Тој предупреди дека тоа е поткрепено со фактот што БиХ има „убедливо најлош економски раст во регионот“ и најлош индекс на корупција во регионот во 2022 година, а секоја година губи по еден процент од населението, главно млади луѓе.
Ескобар рече дека политичките права на сите потписнички на Дејтонскиот договор „треба да се зачуваат и заштитат“, но дека е убеден дека младите се помалку оптоварени со политички права отколку со корупција и неповолни економски услови во земјата.
- Тие луѓе заминуваат не затоа што не сакаат да живеат во мултиетничко општество. Заминуваат затоа што не можат да најдат работа без корупциски врски“, нагласи американскиот дипломат.
