АД ЕСМ објави дека назначиле нови тројца директори на филијалите, односно фирмите-ќерки, ангажирани да управуваат со системите за топловодно загревање.

Според одлуката на Управниот одбор, Марјан Милошевски, дипломиран машински инженер, е именуван за директор на подружница Енергетика.

Али Исмаиљ, дипломиран инженер по компјутерски науки, ќе раководи со ЕСМ Снабдување со топлина.

Александар Мирчевски, електроинженер, е поставен за директор на ЕСМ Топлификација Битола.

Од ЕСМ велат дека овие назначувања се дел од стратегијата за подобрување на услугите и ефикасноста на системите за топловодно загревање.