Дваесет и седумте земји-членки на ЕУ се согласија за 18-ти пакет санкции насочен кон Русија за инвазијата на Украина, изјавија денеска неколку дипломати за ДПА.

Пакетот санкции е насочен кон финансискиот и енергетскиот сектор на Русија и доаѓа како одговор на одбивањето на претседателот Владимир Путин да се согласи на безусловно примирје во Украина.

Словачка го блокираше пакетот, наведувајќи загриженост во врска со увозот на гас, но премиерот Роберт Фицо вчера изјави дека им наложил на претставниците на Словачка да ги одобрат мерките.

Фицо спомена дека продолжувањето на блокирањето на потегот би било „контрапродуктивно“ за интересите на Словачка како членка на ЕУ.

Сите 27 земји-членки на ЕУ мора да поддржат нови санкции пред тие да можат да се спроведат.