Пратеници во Европскиот парламент денеска поради експлозија биле евакуирани од воз кој требало да ги врати од Стразбур во Брисел, објави порталот Политико.

Веднаш по влегувањето во возот „Евростар“ во 14:57 часот, кој го изнајмил парламентот, биле евакуирани во внатрешноста на станицата во Стразбур.

Емануел Фулон, белгиски парламентарен асистент од партијата „Да ја обновиме Европа“, на социјалните мрежи напиша дека слушнал експлозија.

Данскиот европратеник Пеле Гертсен од редовите на Левица ја опиша ситуацијата како „хаотична“.

„Дојде до технички инцидент во возот на станицата во Стразбур“, потврди прес-службата на Европскиот парламент.