Европа е континент кој најбрзо се загрева, а растот на просечните температури е двојно поголем од глобалниот просек, предупредуваат две организации за климатски мониторинг.

Најновиот извештај на Светската метеоролошка организација на ОН и климатската агенција на Европската унија „Коперникус“ покажува дека температурите во Европа се 2,3 степени над просекот.

„Европа се соочува со уште еден годишен пораст на температурите“, изјави Елизабет Хемдуш, заменичка на началникот на одделението за „Коперникус“ во извршната комисија на ЕУ, пренесува „Еуроњуз“.