Предложениот предлог закон од пратеничката група на ВМРО ДПМНЕ  со кој се предвидува  пратеник да може да стане само лице кое има единствено македонско државјанство, за претседателот на СДСМ Венко Филипче е „класична измама на власта“.

За него е спорно што во предлогот никаде не е јасно кажано дека тоа ќе важи и за овој актуелен пратенички состав.

Тој најави дека СДСМ ќе предложи амандмани на законот.

„ Ние ќе го поддржиме и амандмански ќе интервенираме, експлицитно да се наведе дека ќе важи и за овој состав. Во исто време ќе подготвиме закон сo кoj ова ќе важи и за сите избрани и именувани функционери“, рече Филипче.

Потписници на измените на Законот за пратеници се актуелни пратеници од ВМРО ДПМНЕ. Според предлогот  кандидатите за пратеници, кога ќе има следни избори, ако имаат двојно државјанство, да не може да станат пратеници. Тие предлагаат измените да се донесат по скратена постапка зашто не се работи за  сложена измена.