И новите 500 илјади тони јаглен за потребите на РЕК Битола, ќе ги испорачува фирмата од Митилинеос, Протергија Енерџи. Во дописот од ЕСМ стои дека  склучeн е договор вреден 32 милиони евра, без ДДВ и  дека јагленот е од ново откопно поле.

Со оваа фирма претходно се склучи договор од  26, 5  милиони евра за испорака на исто толкава количина јаглен.

Од податоците на бизнис мрежа може да се види дека Протергија Енерџи е во сопственост на грчката Протергија која пак е фирма ќерка на Митилинеос, компанија која доби статус на стратешки инвеститор и треба да гради централа во Железара, но за која имаше низа реакции во јавноста, затоа што добива големи поволности од државата.

За испорака пак на околу 200 илјади  тони јаглен, склучен е договор со познатата фирма во Никопулос која според податоците исто има грчки газди. Овие количини чинат околу 12 милиони евра.

Инаку, цената на струјата од  РЕК Битола за кого се набавува јагленот е повисока од онаа на берзите, па поради тоа од РКЕ соопштија дека  мали потрошувачи од регулиран со струја се снабдуваат на отворен пазар.