Спортската сала „Работнички“ по 50 години ќе добие нов облик. Реновирањето е планирано да заврши до крајот на оваа година.

Неодамна кровот на спортската сала се демонтираше, а се очекува да добие и нова фасада. Од Општина Центар информираа дека тоа треба да се реализира до март како и комплетно нови канцелариски простории каде што беа сместени спортските федерации.

Во планот за реновирање е предвидена нова еластична подлога, нови инсталации за електрична енергија, современо осветлување и водовод, а досегашните бетонски клупи ќе бидат обновени со 891 седиште.

Парите за реконструкција се одобрени од средствата предвидени за општински проекти од Владата.