Палестинците во Појасот Газа почнаа да го одбележуваат вообичаено празничниот празник Рамазан Бајрам со залихите на храна кои брзо се намалуваат и не се гледа крајот на војната Израел-Хамас што ја опустоши малата енклава.

Десетици испратија молитви во дворот на срушеното училиште во јужниот град Кан Јунис.

Муслиманскиот празник што го означува крајот на постот Рамазан треба да биде радосен повод, кога семејствата се собираат на гозби и купуваат нова облека за децата.

Но, на повеќето од два милиони Палестинци во Газа им останува само да се борат за опстаник.

„Нема радост“, вели Карима Шураб откако присуствуваше на молитвите на отворено. „Имам многу загинати во семејството, внук ми загина, нема радост и ништо нема вкус.

Израел го заврши примирјето со Хамас и ја продолжи војната на почетокот на овој месец, кога милитантната група одби да ги прифати промените на договорот постигнат во јануари.

Во израелските напади загинаа стотици луѓе, а Израел не дозволува да влезе храна, гориво или хуманитарна помош веќе четири недели.

„Околностите на Бајрам оваа година, искрено, се многу болни“, раскажа верникот Амар Ал-Акад. „Но, Бајрам останува чин на обожавање за време на кој се стремиме да им донесеме радост на децата и жените“.

Војната започна кога милитантите предводени од Хамас упаднаа во Израел на 7 октомври 2023 година, убивајќи околу 1.200 луѓе, главно цивили, а земајќи 251 заложници.

Хамас сè уште држи 59 заробеници – од кои 24 се верува дека се живи – откако повеќето од останатите беа ослободени со прекини на огнот или други договори.

Во израелската офанзива загинаа над 50.000 Палестинци, статистика која ја води Министерството за здравство на Газа, кое не прави разлика меѓу цивили и борци во својот биланс.

Израел од своја страна пак тврди дека убил околу 20.000 милитанти, без да обезбеди докази за ваквите наводи.

Израелските бомбардирања и копнените операции уништија огромни области на Газа, а речиси 90 отсто од населението во земјата е раселено.