Француската полиција уби вооружен маж кој сакал да запали синагога во северозападниот град Руен.

Со нож тргнал кон полициските униформирани лица, а  тие го застрелале, изјави францускиот министер за внатрешни работи Жералд Дарманан.

„Нападот на синагогата не ја погодува само еврејската заедница, туку целиот град е во шок“, изјави градоначалникот на Руен, Никола Мајер-Росињол.

Полицијата била повикана откако околу 6:45 часот бил забележан чад како излегува од синагогата.

„Пожарникарите се обидуваат да го стават огнот под контрола. Се чини дека нема други жртви освен напаѓачот“, велат француските власти.

Во Франција, како и во остатокот од Западна Европа, е забележан пораст на антисемитизмот откако во октомври почна војната помеѓу Израел и Хамас.