На прашањата на Телма за неспоивоста на функциите, новиот собраниски спикер Африм Гаши одговори дури синоќа.

Во соопштението го потенцираше она што изминатите денови го нуди како аргумент за техничкиот премиер и за министрите кои треба да ги напуштаат фотелјите во извршната власта, за да седнат во пратеничките столчиња.

Оваа практика не се случува за прв пат, е ставот на спикерот Гаши.

Во соопштението од неговиот кабинет се потенцира дека мандатите на новоизбраните пратеници биле уредно верификувани, а Собранието констатирало  дека согласно член 8 став 1 од Изборниот законик им престануваат функциите во Владата, но заради континуитет во работата ќе ги вршат само најнеопходните функции до изборот на нова влада.

„Во конкретниот случај треба да се има предвид дека во членовите 43, 44 и 46 во Законот за Владата уредено е прашањето за престанок на мандатот само на министерот за внатрешни работи и на министерот за труд и социјална политика и за престанокот на функциите на дополнителните министри, а за претседателот на Владата и за останатите членови на Владата во законот не постои решение ниту постапка за престанок на функцијата“, пишува во соопштението од кабинетот на собранискиот спикер.