Германскиот канцелар Фридрих Мерц синоќа изјави дека неговата земја ќе игра одлучувачка улога во новиот договор меѓу НАТО и САД за снабдување со оружје на Украина.

Американскиот претседател Доналд Трамп вчера направи важен чекор со одобрувањето на испораката на оружје на Киев, рече Мерц.

-Претседателот Трамп и јас разговаравме за тоа неколку пати во изминатите неколку дена. Го уверив дека Германија ќе игра одлучувачка улога, додаде Мерц.

„Украина ќе добие многу големо количество воена опрема благодарение на договорот склучен меѓу НАТО и САД“, изјави  генералниот секретар на НАТО, Марк Руте, за време на средбата со Трамп во Вашингтон.

Руте конкретно спомена опрема за воздушна одбрана, ракети и муниција, откако американскиот претседател објави договор кој се состои во испраќање оружје од страна на САД за кое членките на НАТО ќе платат.