Изгубени се квалитетни услуги коишто требале да бидат дадени на граѓани и она што значи дополнителен придонес за БДП и за државата. Во периодот од 2024 година ревизорите утврдиле дека постојат 68 договори регистрирани за јавно приватно партнерство.

„Искажуваме сомнеж дека овој број може да биде и поголем од причина што не постои електронски регистар којшто автоматски би се водел за склучените договори, а не секогаш одредени правни субјекти кои пристапуваат кон јавно приватно партнерство ги доставуваат документите кон министерството. Скоро 80 посто од склучените договори се однесуваат на договори на ниво на општина или на ниво на јавни претпријатија основани во општина што укажува на одредени недоследности“ вели главниот државен ревизор Максим Ацевски.

Потребно е да се согледаат осум одделни чекори за да се додели јавно приватно партнерство.

„Не секогаш има конкуренција во доделувањето во договорите, бидејќи во 80 посто од договорите е воочено дека има само еден понудувач или еден приватен партнер којшто бара да се склучи договорот“ вели Ацевски.