Претседателката на Европската Kомисија (EK), Урсула фон дер Лајен изјави дека новите царини на американскиот претседател Доналд Трамп се „голем удар за светската економија“ и дека Европската Унија е подготвена да одговори со контрамерки доколку преговорите со Вашингтон останат без успех.
Таа информираше дека Европската Унија веќе го финализира првиот пакет контрамерки како одговор на царините за челик. Фон дер Лајен призна дека светскиот трговски систем има „сериозни недостатоци“ и рече дека ЕУ е подготвена да преговара со САД.
