Палестинската радикална група Хамас денеска соопшти дека Израел се обидува да ги врати работите на почетната точка со барање за продолжување на првата фаза од договорот за прекин на огнот во Појасот Газа.

Со истекот на првата фаза од прекинот на огнот ноќта кон неделата, канцеларијата на израелскиот премиер Бенјамин Нетанјаху соопшти дека го прифатила предлогот на американскиот претседател Доналд Трамп (преку пратеникот на Белата куќа за Блискиот Исток Стивен Виткоф) за привремен прекин на огнот во Појасот Газа за периодот на светиот муслимански месец Рамазан и Пасха.

„Окупаторите се обидуваат да ги вратат работите во нивната првобитна положба и да го поништат договорот нудејќи алтернативи“, рече високиот функционер на Хамас Осама Хамдан во телевизиска изјава.