За време на повикот, во кој Харис му честиташе на Трамп за победата, тој „ја призна заменик-претседателката Харис за нејзиниот професионализам и истрајност во текот на целата кампања“, рече во писмената изјава службеникот на кампањата на Трамп, Стивен Чеунг.

Доналд Трамп и Камала Харис зборуваа за „важноста од обединување на земјата“ за време на нивниот повик во средата, соопшти кампањата на Трамп.

За време на кампањата, Трамп и Харис често разменуваа препирки. Тој користеше прекари како „Лиин Камала“ и „Луда Камала“ за потпретседателката и го доведе во прашање нејзиниот расен идентитет како црнка. Харис го обвини Трамп дека мисли само на себе и рече дека таа верува дека тој е „фашист“.

Претседателот Џо Бајден телефонски му честиташе на Доналд Трамп за претседателската победа, соопшти Белата куќа. Бајден „ја изрази својата посветеност за обезбедување непречена транзиција“ и го покани Трамп да се сретне со него во Белата куќа.

Тој ќе и се обрати на американската нацијата утре  за изборните резултати и транзицијата. Бајден разговараше и со заменик-претседателката Камала Харис и ѝ честиташе за нејзината „историска кампања“.