Интерпелацијата за работата на претседателот на Уставниот суд, Дарко Костадиновски денеска ќе се најде на дневен ред на седница во Собранието пред пратениците.

Ја поднесе пратеничката група на Европски фронт, која го обвинува Костадиновски за прекршување на законот за употреба на јазиците и Законот за Уставниот суд.

Претседателот на Собранието, Африм Гаши, истакна дека постои дилема дали е соодветно Собранието да врши интерпелација на претседател на Уставен суд, но законскиот основ е јасен и точката ќе биде разгледана според утврдената процедура.

Од Уставниот суд, пак, посочија дека оваа институција е независна и дека Собранието нема надлежност да влијае врз уставните судии по нивниот избор.

Седницата ќе ја одбележи и можноста пратениците да гласаат дали точката за интерпелацијата да се отстрани од дневниот ред, со оглед на различните ставови меѓу пратеничките групи.